Here were

Here û were 2 fi'lên xisûsî ên kurmancî ne.

• Here & herin, ji bo emirkirina çûnê tê gotin.
• Were & werin, ji bo emirkirina hatinê tê gotin.

• Werandin jî 'eynî weke anînê ye (hevme'ne ne).

Ji bo forma emirkirinê (imperative / fermanî) ya van kelîman "bi" nayê şuẍulandin. Yek nabêje "bihere", "biwere", "biwerêne".

Not/nîşe:

• Di kurmancî de pêşpirtikeke "wer-" heye, yanî belkî were/werandin berê pêkhatî bûn.
• Belkî 'eleqa here-yê bi "hil-" hebe.
• Ev "wer" di hinek kelîmên dî de jî tê dîtin, mesela dawerivîn.

Yek nikare zanibe ma mesder "werîn & herîn" / "weran & heran" / "werin & herin" in ji ber ko di wextê çûyî de nayên şuẍulandin. Bi rastî belkî ne fi'lên serbixwe jî bin, ji ber ko wextê ko formên çûn û hatinê ji van bin, formên wan ên "normal" nînin (di wê devokê de).

Di şiklê neyînî/negatîv de jî were û werandin xisûsî ne. (Formên emirkirinê)

• newe (ne newere), newin (ne newerin), newê (ne newerê)
• newêne (ne newerêne)

(Di formên subjunktîv/kondîsyonal de jî: ko ew newe, ko win newin)

Di şiklê neyînî/negatîv de here nayê şuẍulandin. (Formên emirkirinê)

• neçe (ne nehere), neçin (ne neherin) [devoka torî]
• belkî di devokên dî de emirê negatîv ê here-yê hebe

Di hinek devokan (berferatî) de "here" di bêhtir forman de tê şuẍulandin, dibêjin "terim" (diçim, ji di- û -her-im).

Di hinek devokan (behdînî) de "here" di kêmtir forman de tê şuẍulandin, dibêjin "biçe" (ne here), "biçin" (ne herin).

Ferqî di kelîma çûnê de di gelek zimanan de heye:

• înglîzî: go (here), went (çû), gone (çûbû)
• fransî: aller (here), est (çû), parti (çûbû)

Lînkên derve

• "Çûn, Herîn, Biçe yan Here, Diçim an Diherim", Baran Rizgar, tarîx nayê zanîn (2016 yan kevintir)
• "Hatin, Werîn/Werîyan/Weryan, Bên/Bihên û Were yan Werin", Baran Rizgar, tarîx nayê zanîn (2016 yan kevintir)